!!!!!قصة حقيقية صارت لقطريات في ستي سنتر دبي!!!!!!!

قصة حقيقية صارت لقطريات في ستي سنتر دبي

هذي قصة حقيقية صارت لي من حوالي أسبوعين لما كنت في دبي. احنا من قطر وقررنا نروح دبي في الويكند وطبعا طول الوقت في المجمعات نتشرى ( تعرفون البنات). قررنا نروح ستي سنتر بعد الغدا وقعدنا نتسوق لحد ما اذن العصر فراحو اخواني يصلون في المصلى وطبعا مثل ما تعرفون مصلى الريايل بعيد عن مصلى الحريم فرحت مع زوجة اخوي علشان نصلي ولما خلصنا حاولت اتصل في اخواني علشان يجونا بس ما كان في ارسال بالجوال ( ما ادري ليش نحاسة الظاهر) فقررنا نتمشى لحد ما نقرب من مصلى الريايل ونشوف اخواني, زوجة اخوي ما تتغشىا اما انا كنت متغشية وطبعا ما شيين في حالنا ولا احنا من البنات الي نسوي حركات علشان نلفت الانتباه ولا شي, واحنا نمشي جان اشوف واحد اماراتي عمرة حوالي 23 او 24 جاي من صوبي من جهه اليسار طبعا استغربت من الحركة ووقف وراي وقال لي: " فديت الغشوة والي حاطتها" طبعا انا طنشت وقلت اكيد بيروح لين شاف اخواني وفجأة تلف عليه زوجة اخوي وتصرخ عليه وتقوله" خير شعندك انت ما تستحي"جان يقولها ( شوفو الجرأة) " انا ما اكلمج اكلم المتغشية الي معاج" فردت عليه" تكلمني ولا تكلمها انت ما تستحي على ويهك" فانحرج وقام يتاسف , فقلت لزوجة اخوي لبش تكلمينه الحين بيضن انا احنا نبي نتحرش فيه وبيتم ايلاحقنا, فقالتلي :تدرين هو شسوى, فقلت: قط علينا كلمه, قالت : لا هو كان وايد قريب منج وحط راسه عند رقبتج لما كلمج, طبعا انا انصدمت من الحركة وانا ما حسيت بها لان المكان كان حشرة وازعاج وانا ظنيت انه كان يقولها من مسافة. المهم خليناه ووصلنا لين اخواني وطبعا زوجة اخوي قالت لهم شصار وطبعا عصبو وقالولنا نراويهم الشاب الي كلمنا وانتو اكيد تعرفون شبيسون, اكيد اخواني بيتهاوشون وياه وبيضربونه وخصوصا اخوي الكبير فكلمت زوجة اخوي وقلتلها لا تقولين لهم وين الشاب ما نبي مشاكل , احنا ياين دبي ثلاث ايام وما نبي مشاكل ونروح الشرطة وما ادري شبيصير في اخواني ينسجنون ولا شي, فقالت لي اوكي ما راح اقول لهم وطول الوقت وهم يسألونا اذا شفناه ولا لا.وبعدها دخلنا محل نشتري اغراض ودخلت انا اقيس ثياب وتمت زوجة اخوي بره في المحل واخواني عند الباب ولما طلعت قالت لي زوجة اخوي " تصدقيين انه رجع وتم يتبسم عند الباب بس الحمد لله ان اخواني ما شافوه لانهم كانو ماعطينه ظهورهم.
هذا الي صار واتمنى ان ما تنحط أي بنت في مثل هالموقف والله يهدي الشباب

منقوووووول

[/size]

» قصة حب حقيقية صادمة جداً
» شاهد جهنم الارض .. صور حقيقية غاية فى الرعب